नवी दिल्ली – भारतीय जनता पक्षाचे (भाजप) ज्येष्ठ नेते आणि दिल्ली भाजपचे पहिले अध्यक्ष प्रा. विजय कुमार मल्होत्रा यांचे आज मंगळवार दि. 30 सप्टेंबर 2025) सकाळी निधन झाले. ते 93 वर्षांचे होते आणि गेल्या काही दिवसांपासून दिल्लीतील एम्स रुग्णालयात त्यांच्यावर उपचार सुरू होते.
विजय कुमार मल्होत्रा हे जनसंघ काळापासून पक्षाशी जोडले गेले होते. त्यांनी दिल्लीत संघाच्या आणि नंतर भाजपच्या विचारधारेचा विस्तार करण्यात महत्त्वपूर्ण भूमिका बजावली. त्यांच्या योगदानाचा गौरव म्हणून ते दिल्ली भाजपचे पहिले अध्यक्ष होते. त्यांच्या निधनाने दिल्लीच्या राजकारणातील एका मोठ्या अध्यायाचा समारोप झाला आहे. त्यांचा जन्म 3 डिसेंबर 1931 रोजी तत्कालीन ब्रिटिश भारताच्या लाहोर शहरात (आता पाकिस्तानमध्ये) झाला होता. ते एक सुशिक्षित व्यक्तिमत्त्व होते आणि त्यांनी हिंदी साहित्यात डॉक्टरेट पदवी मिळवली होती. त्यांनी पाच वेळा खासदार म्हणून लोकसभेत दिल्लीचे प्रतिनिधित्व केले. ते दोन वेळा आमदार (दिल्ली विधानसभा सदस्य) देखील राहिले.
मोदींनी व्यक्त केला शोक
दिल्ली भाजपचे विद्यमान अध्यक्ष वीरेंद्र सचदेवा यांनी मल्होत्रा यांच्या निधनाची माहिती दिली आणि शोक व्यक्त केला. त्यांनी म्हटले की, ‘प्रो. मल्होत्रा यांचे जीवन साधेपणा आणि जनसेवेला समर्पित होते. त्यांचे निधन ही पक्षासाठी मोठी आणि अपरिहार्य हानी आहे. त्यांचे जीवन सर्व कार्यकर्त्यांसाठी नेहमी प्रेरणास्रोत राहील. पतंप्रधान नद्र मोदी यांनीही शोक व्यक्त केला.
