अलवर ( राजस्थान ) – राजस्थानातील अलवर जिल्ह्यातून एक धक्कादायक घटना समोर आली आहे. दारूच्या नशेत एका मुलाने स्वतःच्या वृद्ध आई-वडिलांची कुऱ्हाडीने वार करून हत्या केल्याची माहिती समोर आली आहे. दोघांना ठार मारल्यानंतर आरोपी घरातून फरार झाला असून पोलिसांनी शोध मोहीम सुरू केली आहे.
मिळालेल्या माहितीनुसार, आरोपी नेहमीच मद्यपान करीत असे. दारूच्या नशेत तो आई-वडिलांशी नेहमी वाद घालत असे. गुरुवारी रात्री त्याने संतापाच्या भरात पालकांवर कुऱ्हाडीने वार केले. गंभीर जखमी झालेल्या दोघांचा जागीच मृत्यू झाला.
फरार होण्यापूर्वी आरोपीने आईचे दागिने चोरी करून नेले असल्याचीही माहिती पोलिसांनी दिली आहे. घटनेची माहिती मिळताच पोलिसांनी घटनास्थळी धाव घेतली आणि मृतदेह ताब्यात घेऊन पंचनामा केला. या प्रकरणी हत्या गुन्हा दाखल करण्यात आला असून आरोपीचा शोध सुरू आहे.





