मुंबई – लाडकी बहीण योजनेचा लाभ घेण्यासाठी आता केवायसी (KYC) प्रक्रिया अनिवार्य करण्यात आली आहे. 18 नोव्हेंबर ही केवायसीची शेवटची तारीख असून, त्याआधी प्रक्रिया पूर्ण न करणाऱ्या महिलांना योजनेची आर्थिक मदत मिळणार नाही. मात्र, केवायसी केल्यानंतरही केवळ पात्रतेच्या निकषांमध्ये बसणाऱ्या महिलांनाच दरमहा 1500 रुपयांचा लाभ दिला जाणार आहे.
पात्रतेचे निकष जाहीर
योजनेअंतर्गत खालील निकषांत बसणाऱ्या महिलांनाच आर्थिक मदत मिळेल:
लाभार्थी महिला ही महाराष्ट्राची रहिवासी असावी. विवाहित, विधवा, घटस्फोटित आणि निराधार महिलांना पात्रता. एका कुटुंबातील दोन महिलांनाच लाभ मिळणार. वयोगट 21 ते 65 वर्षे. आधार कार्ड व बँक खाते लिंक असणे बंधनकारक. कुटुंबाचे वार्षिक उत्पन्न 2.50 लाखांपेक्षा कमी असावे. घरात चारचाकी वाहन नसावे. निकषांत बसणाऱ्या महिलांनी योजनेचा लाभ मिळण्यासाठी केवायसी प्रक्रिया निश्चित तारखेपूर्वी पूर्ण करावी, असे appeal शासनाने केले आहे.
KYC कशी करावी?
लाडकी बहीण योजनेतील केवायसी प्रक्रिया ऑनलाईन पद्धतीने केली जाऊ शकते. त्यासाठी:
-
अधिकृत संकेतस्थळावर जा –
https://www.ladakibahin.maharashtra.gov.in/ekyc -
‘KYC’ या पर्यायावर क्लिक करा.
-
आधार क्रमांक आणि मोबाईल नंबर टाकून ओटीपी भरा.
-
पुढे पती किंवा वडिलांचा आधार क्रमांक नमूद करा आणि आलेला ओटीपी टाका.
-
काही प्रश्न विचारले जातील; योग्य माहिती भरून सबमिट करा.
-
प्रक्रिया यशस्वीरीत्या पूर्ण झाल्यावर स्क्रीनवर “KYC पूर्ण” असा संदेश दिसेल.
KYCसाठी गर्दी टाळण्यासाठी महिलांनी लवकर प्रक्रिया पूर्ण करण्याचे आवाहन प्रशासनाकडून करण्यात येत आहे.
