मारूळ येथे वीज वितरण विभागाचे गंभीर दुर्लक्ष उघडी डीपी ठरत आहे मृत्यूचे आमंत्रण!

जळगाव जिल्हा प्रतिनिधी बशीर तडवी – यावल तालुक्यातील मारूळ गावात वर्दळीच्या ठिकाणी असलेली उघडी वीज वितरण पेटी (डीपी) सध्या ग्रामस्थांच्या जीवितास मोठा धोका निर्माण करत आहे. अंगणवाडी, मराठी शाळा, उर्दू अध्यापक विद्यालय, आयुर्वेदिक दवाखाना, ग्रामपंचायत कार्यालय तसेच बस्थानकाच्या अगदी जवळ ही उघडी डीपी असल्याने स्थानिक नागरिकांमध्ये भीतीचे वातावरण निर्माण झाले आहे.
झाकण नसलेली डीपी, नाही कोणतेही कंपाउंड!
मृत्यूला खुले आमंत्रण डीपीचे झाकण पूर्णपणे निघाले असून आजूबाजूला कंपाउंडसुद्धा नाही. डीपी जमिनीपासून अवघ्या दोन ते तीन फूट उंचीवर असल्याने शाळेतील मुले, प्रवासी आणि ग्रामस्थ यांना धोका अधिकच वाढला आहे. त्या ठिकाणी मुले खेळत असल्याचे चित्र वारंवार दिसते, जे अत्यंत धोकादायक आहे. कट-आउटऐवजी सरळ तार जोडलेली गंभीर निष्काळजीपणा
अधिक धक्कादायक बाब म्हणजे, येथे योग्य कट-आउट न वापरता सरळ तार जोडण्यात आली आहे. ही बाब थेट अपघातांचे आमंत्रण देणारी असून वीज वितरण विभागाच्या निष्काळजीपणाचे ठळक उदाहरण ठरते. अपघात झाला तर जबाबदार कोण ग्रामस्थांचा संताप
स्थानिक पालक व ग्रामस्थ यांनी रोष व्यक्त करत
“एखाद्या मुलाला अथवा नागरिकाला धोका झाल्यास याची जबाबदारी नेमकी कोण घेणार?”
असा सवाल उपस्थित केला आहे. ग्रामस्थांनी व पालकांनी तातडीने— डीपीला मजबूत झाकण लावावे डीपीभोवती सुरक्षित कंपाउंड उभारावे शअसुरक्षित वायरिंग दुरुस्त करावे अशी मागणी वीज वितरण विभागाकडे केली आहे.
विभागाचे दुर्लक्ष कधी थांबणार? ग्रामस्थांनी चेतावणी दिली आहे की, योग्य तो उपाय न झाल्यास ते आंदोलनाचा मार्ग अवलंबतील.