सोन्याच्या किमतीत पुन्हा तेजी; आठवडाभरात मोठी वाढ, चांदी मात्र घसरली

आठवड्याच्या शेवटच्या दिवशी सोन्याच्या किमतींमध्ये पुन्हा एकदा जोरदार उसळी पाहायला मिळाली आहे. संपूर्ण आठवडाभर सोनं आणि चांदीच्या दरांमध्ये प्रकर्षाने तेजी जाणवत होती. वाढत्या दरांमुळे हे भाव सामान्यांच्या आवाक्याबाहेर जात असल्याचे चित्र दिसत आहे.

वायदे आणि सराफा बाजारात किंमतींना झळाळी

मागील महिन्यापासून सुरू असलेली सोन्याच्या दरातील वाढ या आठवड्यातही कायम राहिली.

वायदे बाजारात सोन्याचा दर ₹1,29,032 इतका नोंदवला गेला असून यात ₹1,732 ची वाढ झाली आहे.

सराफा बाजारातही दर वाढले असून,

• • 22 कॅरेट सोन्याचा 10 ग्रॅम दर – ₹1,19,110

  • 24 कॅरेट सोन्याचा 10 ग्रॅम दर – ₹1,29,940

लग्नसराईचा हंगाम सुरू असताना सोन्याच्या वाढत्या दरांनी ग्राहकांना मोठा फटका बसत आहे.

अमेरिकन रोजगार आकडेवारीचा परिणाम अमेरिकेतील ताज्या रोजगार आकडेवारीनुसार नोव्हेंबर महिन्यात पगारात घट झाली आहे. 2023 नंतरचा हा सर्वात कमकुवत डेटा असल्याचे सांगितले जात आहे. यामुळे फेडरल रिझर्व्हकडून व्याजदरात कपात होण्याची शक्यता वाढली आहे.
व्याजदर कमी झाल्यास बाँड्सवरील आकर्षण घटते आणि गुंतवणूकदार सोन्यासारख्या सुरक्षित गुंतवणुकांकडे वळतात, त्यामुळे सोने दर आणखी वाढू शकतात.

फेडरल ओपन मार्केट कमिटीची बैठक 9-10 डिसेंबर रोजी होणार असल्याने बाजाराचे लक्ष या निर्णयाकडे आहे.

भारतातील घडामोडी भारताच्या रिझर्व्ह बँकेने 5 डिसेंबर रोजी रेपो दरात 0.25% कपात केली असून तो आता 5.25% झाला आहे. रेपो दर कमी झाल्याने गृहकर्ज, वाहन कर्ज यांच्या ईएमआयमध्येही घट होण्याची शक्यता निर्माण झाली आहे.

चांदी मात्र घसरली सोन्यात तेजी असतानाच 6 डिसेंबरच्या सकाळी चांदीच्या किमतीत मोठी घसरण नोंदवली गेली. देशांतर्गत बाजारात चांदीचा दर प्रति किलो ₹1,86,900 पर्यंत खाली आला. आंतरराष्ट्रीय बाजारात चांदीची स्पॉट किंमत $58.17 प्रति औंस आहे.

नव्या वर्षाच्या तोंडावर महागाईची शक्यता

देशांतर्गत तसेच जागतिक आर्थिक परिस्थितीचा थेट परिणाम सोन्या-चांदीच्या दरांवर होत असून, सध्या दिसत असलेली तेजी कायम राहिल्यास नव्या वर्षाची सुरुवातही महागाईनेच होण्याची शक्यता आहे.
वर्षाच्या शेवटी सोन्याचे दर आणखी किती उच्चांक गाठतात याकडे सर्वांचे लक्ष लागलेले आहे.