चिखली बुद्रुक येथे सेवा पंधरवडा समाधान शिबिराचे आयोजन

यावल- छत्रपती शिवाजी महाराज समाधानी शिबिर अंतर्गत सेवा पंधरवडा समाधान शिबिराचे आयोजन चिखली बुद्रुक (ता. यावल) येथे करण्यात आले. या कार्यक्रमाला फैजपूर प्रांताधिकारी श्री. बबन काकडे, यावल तहसीलदार सौ. मोहनमाला नाझीरकर, गटविकास अधिकारी सौ. मंजुश्री गायकवाड, सरपंच चिखली व म्हैसवाडी, निवासी नायब तहसीलदार बी. एम. पवार, महसूल नायब तहसीलदार अतुल गांगुर्डे यांच्यासह पंचक्रोशीतील ग्रामस्थ मोठ्या संख्येने उपस्थित होते.
शिबिरात ग्रामस्थांना सेवा पंधरवड्याचे तीन टप्पे, शेत पानंद रस्त्यांची कार्यपद्धती, शेत रस्त्यांना क्रमांक देणे, सर्वांसाठी घरे योजना तसेच विविध नाविन्यपूर्ण योजनांची माहिती देण्यात आली. यासोबतच ग्रामस्थांना शासनाच्या विविध सेवांचा लाभही वितरित करण्यात आला.
कार्यक्रमादरम्यान चिखली बुद्रुक गावातून भालोद रस्त्यापर्यंत शिवार फेरी घेण्यात आली. या फेरीत ग्रामस्थ सहभागी होत गावातील विकास कामांची पाहणी करण्यात आली. या समाधान शिबिराच्या माध्यमातून शासनाच्या योजना थेट लोकांपर्यंत पोहोचत असल्याने ग्रामस्थांमध्ये समाधानाचे वातावरण पाहायला मिळाले.