जळगाव : गेल्या वर्षी केंद्र सरकारने कच्च्या आणि रिफाइंड खाद्यतेलांवरील मूळ आयात करात २० टक्क्यांनी वाढ केल्याने तेलाच्या दरांमध्ये मोठी उसळी पाहायला मिळाली होती. ऐन सणासुदीत दरवाढ झाल्यामुळे सर्वसामान्यांच्या खिशाला मोठा फटका बसला होता. मागील सहा महिन्यांत शेंगदाणा, सोयाबीन आणि सूर्यफूल तेलात किलोमागे ५० रुपयांपेक्षाही जास्त वाढ झाली आहे. यंदाही नवरात्रीच्या पार्श्वभूमीवर दरवाढ होण्याची शक्यता व्यापाऱ्यांनी वर्तवली आहे. पुढील पंधरा दिवसांत किलोमागे पाच ते दहा रुपयांनी भाव वाढू शकतात, असा अंदाज स्थानिक व्यापारी वर्तवतात.
🌻 उत्पादन घट व दरवाढ
पावसामुळे यंदा उत्पादन घटल्याने तेलबिया पिकांवर परिणाम झाला आहे. त्यामुळे गतवर्षीच्या तुलनेत सूर्यफुल तेलाच्या दरात तब्बल १३ रुपये तर शेंगदाणा तेलात १० रुपयांची वाढ झाली आहे.
📊 गतवर्षी व यंदाचे तेलाचे दर (प्रति किलो)
-
सूर्यफूल तेल : गतवर्षी ₹१५७ → यंदा ₹१७०
-
सोयाबीन तेल : गतवर्षी ₹१४८ → यंदा ₹१४५
-
शेंगदाणा तेल : गतवर्षी ₹१८० → यंदा ₹१९०
-
पामतेल : गतवर्षी ₹१३४ → यंदा ₹१४५
