जळगाव – दिनांक २३ सप्टेंबर २०२५ रोजी, मंगळवार, ज़िकरा इंग्लिश मीडियम स्कूलमध्ये (Science Lab) विज्ञान केंद्राचे भव्य उद्घाटन करण्यात आले. या सोहळ्याचे उद्घाटन भारतातील प्रख्यात दोन वैज्ञानिक डॉ. चंद्ररमौली जोशी (अध्यक्ष, रमन सायन्स टेक्नोलॉजी फाऊंडेशन, इंडिया) आणि सुनील वानखेडे (अध्यक्ष, ए.पी.जे. अब्दुल कलाम नॅशनल कौंसिल ऑफ यंग सायंटिस्ट, इंडिया) यांच्या हस्ते झाले.
या प्रसंगी शाळेचे अध्यक्ष शेख रहीम सर, सचिन शेख जाकिर सर, मुख्याध्यापक शेख शादाब अहमद सर, न्यू उर्दू शाळेचे मुख्याध्यापक समीऊलरहमान सर, तसेच शाळेचे सर्व शिक्षक, विद्यार्थी व पालक मोठ्या संख्येने उपस्थित होते.
कार्यक्रमाचे सुत्रसंचालन शिरिन शेख यांनी केले, तर संपूर्ण उद्घाटन सोहळ्याचे कामकाज शाळेचे विज्ञान शिक्षक नदिम सर यांनी सांभाळले. या सोहळ्यात दोन्ही मान्यवर वैज्ञानिकांनी विद्यार्थ्यांना मार्गदर्शन करत विज्ञान व तंत्रज्ञान क्षेत्रातील संधींबाबत प्रेरणादायी माहिती दिली.
समारोप प्रसंगी शाळेच्या सचिवांनी उपस्थित पाहुण्यांचे आभार मानले. विज्ञानाबद्दल उत्साह निर्माण करणारा हा उद्घाटन सोहळा अतिशय थाटामाटात पार पडला.
