भुसावळ – दि. 26 सप्टेंबर 2025 पोदार प्रेप भुसावळ येथे यंदाही ‘पेन्सिल समारंभ दिवस’ मोठ्या उत्साहात साजरा करण्यात आला. या समारंभाचा मुख्य हेतू म्हणजे मुलांना पेन्सिल, शार्पनर, खोडरबर आणि पुस्तक यांसारख्या दैनंदिन शैक्षणिक साधनांचे महत्त्व पटवून देणे हा होता.
भारताच्या अनेक भागांमध्ये दसऱ्याच्या निमित्ताने ज्ञानाचे प्रतीक म्हणून मुलांना पेन्सिल भेट देण्याची परंपरा आहे. या परंपरेला सन्मान देत पोदार प्रेपमध्ये दरवर्षी विशेष कार्यक्रम आयोजित केला जातो.
यंदा प्रत्येक मुलाला सजवलेली पेन्सिल भेट देण्यात आली. तसेच आकर्षक कठपुतळी शोद्वारे मुलांना शिकण्याचा आनंद आणि शैक्षणिक साधनांचे महत्त्व कथारूपाने समजावण्यात आले. या कार्यक्रमामुळे विद्यार्थ्यांमध्ये शिकण्याची आवड अधिक बळकट झाली.
कार्यक्रम शाळेचे प्राचार्य श्री. सचिन बनसोडे, मुख्याध्यापिका सौ. मनिषा शृंगी यांच्या मार्गदर्शनाखाली व सर्व शिक्षकांच्या परिश्रमामुळे यशस्वीरित्या पार पडला.
