रावेर – रावेर येथे निंभोरा पोलिस दलाच्या वतीने जिल्हा पोलिस अधीक्षक महेश्वर रेड्डी यांच्या मार्गदर्शनाखाली पोलीस भरतीपूर्व मार्गदर्शन शिबिराचे आयोजन कृषी तंत्र विद्यालयात करण्यात आले.
शिबिराचे अध्यक्ष फैजपूर उपविभागीय पोलिस अधिकारी अनिल बडगुजर यांनी सरस्वती पूजन करून कार्यक्रमाची सुरुवात केली. यावेळी स.पो.नि. हरिदास बोचरे यांनी प्रास्ताविक व सूत्रसंचालन केले, तर मान्यवरांचे स्वागत फौजदार अभय ढाकणे यांनी केले.
प्रमुख वक्ते म्हणून वैभव देशमुख (रावेर) व दिनेश चौधरी (वाघोडे) यांनी मार्गदर्शन केले. अध्यक्षीय भाषणात पोलीस उपविभागीय अधिकारी अनिल बडगुजर यांनी युवकांना आत्मप्रेरित राहून सातत्यपूर्ण अभ्यासाद्वारे यश संपादन करण्याचे आवाहन केले.
शिबिरात सुमारे २०० युवक-युवतींनी सहभाग घेतला. लेखी सराव परीक्षेत योगेश सदाशिव कचरे (प्रथम क्रमांक), धीरज रतिलाल महाजन (द्वितीय क्रमांक) व वैभव कडू सावळे (तृतीय क्रमांक) यांनी यश संपादन केले.
या शिबिराचे नियोजन फौजदार ममता तडवी, पो.का. प्रभाकर ढसाळ, प्रशांत चौधरी व पोलिस दलाने केले. आभार प्रदर्शन दिपाली पाटील यांनी केले. शिबिर यशस्वी होण्यासाठी निंभोरा पोलिस दल, होमगार्ड बांधव, कृषीतंत्र विद्यालयाचे अध्यक्ष प्रल्हाद बोंडे व शिक्षकवृंद यांचे विशेष सहकार्य लाभले.
