पहुर (ता. जामनेर) – “इंग्रजी भाषेवर प्रभुत्व मिळविण्यासाठी सातत्यपूर्ण सराव आणि आत्मविश्वास आवश्यक आहे. महावीर पब्लिक स्कूलचे शैक्षणिक व सांस्कृतिक कार्य कौतुकास्पद आहे,” असे गौरवोद्गार सहाय्यक पोलीस निरीक्षक प्रमोद कठोरे यांनी काढले.
नर्मदा फाउंडेशन संचलित महावीर पब्लिक स्कूलच्या २२ व्या वर्धापन दिनानिमित्त आयोजित गुणवंत गौरव सोहळ्यात ते प्रमुख पाहुणे म्हणून बोलत होते.
कार्यक्रमाची सुरुवात वर्धमान महावीर, स्वर्गीय कृषी पंडित मोहनलाल लोढा आणि डॉ. सर्वपल्ली राधाकृष्णन यांच्या प्रतिमांना पुष्पहार अर्पण करून करण्यात आली.
या प्रसंगी संस्थेचे अध्यक्ष प्रदीप लोढा, उपाध्यक्ष तेजराज जैन, सचिव दीपक लोढा, संचालक श्याम सावळे, कृषी पंडित पंतसंस्थेचे अध्यक्ष बाबुराव पांढरे, राजमल भागवत, सरपंच अब्बू तडवी, तसेच कैलास पाटील, रामेश्वर पाटील, निलेश भगत, राजधार पांढरे, बाबुराव घोंगडे, प्रल्हाद वानखेडे, राजू पाटील, योगेश बनकर, ईश्वर बारी, लक्ष्मण गौरे, अशोक घोंगडे आदी मान्यवर उपस्थित होते.
कार्यक्रमात पत्रकार संघटनेचे अध्यक्ष डॉ. संभाजी क्षीरसागर, उपाध्यक्ष जयंत जोशी, शरद बेलपत्रे, तसेच जैन संघटनेचे अध्यक्ष स्वप्निल छाजेड, उपाध्यक्ष पवन रुणवाल आणि डॉ. अरविंद चोरडिया यांच्या हस्ते “शिक्षा सारथी सन्मान” पुरस्कारांचे वितरण करण्यात आले.
या सन्मानाने दिलीप नेमाडे, विलास जोशी, शंकर भामरे, ईश्वर चोरडिया, रामचंद्र चोव्हाण, आसीफ पिंजारी, दिलीप पाटील, कविता लाड, वर्षा वैदकर, अनिता क्षीरसागर, आम्रपाली निकम, वैशाली घाटे, हर्षदा बेलपत्र, छाया महाजन, अपेक्षा पन्यार, हिना तडवी, सिमरन सरपटे, शाईना पठाण, भाग्यश्री जाधव, हर्षाली बडगुजर, श्रीमती तायडे, सोनल पाटील आणि किरण भट या शिक्षकांचा गौरव करण्यात आला.
संस्थेतर्फे एमटीएस, स्कॉलरशिप, मॅथ ऑलिम्पियाड इत्यादी स्पर्धा परीक्षांमध्ये यश मिळवलेल्या विद्यार्थ्यांनाही सन्मानपत्र देऊन गौरविण्यात आले.
हा सोहळा ज्ञान, संस्कार आणि समाजसेवेच्या मूल्यांना अधोरेखित करणारा ठरला.
