यावल – तालुक्यातील चुंचाळे येथील पिक संरक्षण सोसायटीच्या सन २०२५ ते २०३० या पंचवार्षिक कालावधीसाठी झालेल्या निवडणुकीत चेअरमनपदी विनोद लीलाधर पाटील तर व्हाइस चेअरमनपदी कलिंदर नथ्थु तडवी यांची बिनविरोध निवड करण्यात आली आहे.
या संस्थेच्या सर्व १३ जागांवरही माजी ग्रामपंचायत सदस्य विठ्ठल राजपूत यांच्या नेतृत्वाखालील पॅनेल बिनविरोध निवडून आले.
निवडणूक प्रक्रिया निवडणूक निर्णय अधिकारी नंदकिशोर मोरे आणि माजी चेअरमन प्रदीप पाटील यांच्या अध्यक्षतेखाली पार पडली.
बिनविरोध निवडून आलेले सदस्य पुढीलप्रमाणे आहेत :
रवींद्र नामदेव पाटील, दिलीप नेमीदास नेवे, चंद्रकांत तुकडू चौधरी, विनोद लीलाधर पाटील, हिरामण मोतीराम पाटील, कलिंदर नथ्थु तडवी, दत्तू दयाराम कोळी, शेणफडू गोबा पाटील, चमेलीबाई काशिनाथ पाटील, अनुसया रघुनाथ पाटील, गणेश ठाकूरदास चौधरी, जुम्मा हसन तडवी, शुभम रवींद्र सोनवणे.
या निवड प्रक्रियेदरम्यान चुंचाळे वि.का.सो. चेअरमन सुनील नेवे, व्हाइस चेअरमन इस्माईल तडवी, माजी चेअरमन प्रदीप पाटील, कृषी उत्पन्न बाजार समिती संचालक उज्जैनसिंग राजपूत, रवींद्र पाटील, राजू सोनवणे, दगडू तडवी, जिजाबाराव पाटील, विश्राम पाटील, प्रल्हाद चौधरी, शेखर तडवी, तंटामुक्ती अध्यक्ष धनसिंग पाटील, सुकलाल राजपूत, गोकुळ कोळी, ज्ञानेश्वर पाटील, नत्थु तडवी, मानसिंग राजपूत, लतीब तडवी, नितीन राजपूत, सोपान सावळे, समाधान पाटील, मेहेरबान मनवर तडवी, नारायण सोनवणे, सचिव सुरेश कोळी आदी मान्यवर उपस्थित होते.
शेतकऱ्यांच्या हितासाठी संघटितपणे कार्य करू, पिक संरक्षणासाठी आधुनिक उपाययोजना राबवू, असे नवनिर्वाचित चेअरमन विनोद पाटील यांनी सांगितले.
