मुंबई – अकरावीचे वर्ग सुरू होऊन तीन महिने उलटले, शिक्षकांनी अर्धा अभ्यासक्रम पूर्ण केला आणि परीक्षेची तयारीही सुरू झाली आहे. तरीही अकरावीची ऑनलाईन प्रवेश प्रक्रिया थांबायचे नाव घेत नाही.
राज्यातील प्रवेश प्रक्रियेच्या दहा फेऱ्यांनंतरही शालेय शिक्षण विभागाने आणखी एक फेरी जाहीर केली आहे. या फेरीत 6,262 विद्यार्थ्यांनी अर्ज केला असून, त्यापैकी 5,641 विद्यार्थ्यांना 10 ऑक्टोबरपर्यंत प्रवेश घेण्याची संधी देण्यात आली आहे. तज्ज्ञांचा प्रश्न असा “इतके दिवस विद्यार्थी मिळत नव्हते, मग आता हे 6 हजार विद्यार्थी कुठून आले?”
आकडेवारी एक नजरात :
राज्यातील कनिष्ठ महाविद्यालये : 9,550 एकूण जागा : 21.71 लाख प्रवेश घेतलेले विद्यार्थी : 13.33 लाख अजूनही रिक्त जागा : 8.35 लाख
प्रवेश प्रक्रिया दीर्घकाळ चालल्याने विद्यार्थी, पालक आणि शिक्षक वर्ग या सर्वांमध्ये संभ्रमाचे वातावरण आहे.
