जळगाव – सोने आणि चांदीचे दर गेल्या काही दिवसांत उच्चांकावर पोहोचल्याने खरेदीदारांना चांगलाच ताण जाणवत होता. मात्र, आता या दरांत घसरण सुरू झाली असून नागरिकांना थोडासा दिलासा मिळाला आहे. धनत्रयोदशीपासून सोन्याच्या दरात चढ-उतार सुरू असून आज (२३ ऑक्टोबर २०२५) सोन्याच्या दरात लक्षणीय घट झाली आहे.
२४ कॅरेट सोन्याच्या १० ग्रॅमच्या दरात ८१० रूपयांची घसरण झाली असून आता १ तोळ्याचा दर ₹१,२५,०८० इतका झाला आहे. तर १० तोळ्यांसाठी ₹१२,५०,८०० रूपये मोजावे लागतील.
२२ कॅरेट सोन्याच्या दरातही घसरण झाली असून १० ग्रॅम सोन्याच्या दरात ₹७५० ची घट झाली आहे. आता २२ कॅरेट १ तोळ्याचा दर ₹१,१४,६५० तर १० तोळ्यांचा दर ₹११,४६,५०० झाला आहे.
१८ कॅरेट सोन्याच्या दरातही ₹६१० ची घसरण नोंदवली गेली आहे. १ तोळा ₹९३,८१०, तर १० तोळ्यांचा दर ₹९,३८,१०० इतका आहे.
सोन्याबरोबरच चांदीच्या दरातही घसरण झाली असून १ ग्रॅममागे ₹१ ची घट झाली आहे. सध्या १ ग्रॅम चांदीचा दर ₹१५९ तर १ किलो चांदीचा दर ₹१,५९,००० इतका आहे.
उच्चांक गाठल्यानंतर सुरू झालेली ही घसरण कायम राहील का, याकडे ग्राहक आणि सुवर्णकार दोघांचेही लक्ष लागले आहे.
