चंद्रपूर – चंद्रपूर शहरात दिवाळी गिफ्टवरून झालेल्या किरकोळ वादाने भीषण रूप धारण केलं आहे. लॉ कॉलेज परिसरात सहा जणांनी मिळून एका तरुणाची निर्दयपणे हत्या केल्याची धक्कादायक घटना घडली आहे. या घटनेनंतर परिसरात एकच खळबळ उडाली आहे.
मिळालेल्या माहितीनुसार, दिवाळी गिफ्ट मागण्यावरून तरुणांमध्ये वाद झाला होता. वाद चिघळताच सहा संशयितांनी एकत्रितपणे हल्ला चढवून त्या तरुणाला जबर मारहाण केली. गंभीर जखमी अवस्थेत त्याचा मृत्यू झाला.
घटनेची माहिती मिळताच पोलिसांनी अवघ्या एका तासात तपासाची चक्रं वेगाने फिरवत सर्व सहा आरोपींना अटक केली. सध्या आरोपींची चौकशी सुरू असून पोलिसांनी अधिक तपास हाती घेतला आहे.
