मुंबई – लाडकी बहीण योजनेच्या लाभार्थ्यांसाठी महत्त्वाची माहिती समोर आली आहे. योजनेअंतर्गत ई-केवायसी करण्यासाठी केवळ काही दिवसांचा अवधी उरलाय, आणि ही प्रक्रिया १८ नोव्हेंबरपर्यंत पूर्ण करणे अनिवार्य आहे. राज्यातील लाखो महिलांनी आतापर्यंत ई-केवायसीची प्रक्रिया पूर्ण केली असली तरी, अनेक लाभार्थिनींनी अद्याप स्थिती तपासलेली नाही.
ई-केवायसी स्टेटस कसे तपासाल?
लाडकी बहीण योजनेत तुमचे ई-केवायसी पूर्ण झाले की नाही हे तपासण्यासाठी सोपी ऑनलाइन पद्धत उपलब्ध आहे.
-
सर्वप्रथम लाडकी बहीण योजनेच्या अधिकृत वेबसाइटला भेट द्यावी.
-
तेथील ई-केवायसी या पर्यायावर क्लिक करावे.
-
त्यानंतर तुमचा आधार क्रमांक टाइप करावा व कॅप्चा कोड भरावा.
-
आधारशी लिंक असलेल्या मोबाइलवर आलेला ओटीपी टाकावा.
-
जर तुमचे ई-केवायसी पूर्ण झाले असेल तर त्याचा संदेश स्क्रीनवर दिसेल.
-
ई-केवायसी अपूर्ण असल्यास पुढील प्रक्रिया सुरू होईल.
यामध्ये तुम्हाला पती किंवा वडिलांची केवायसी माहिती देखील भरावी लागू शकते. त्यांचा आधार क्रमांक व मोबाइल नंबर यासाठी आवश्यक असतो.
केवळ ३ दिवसांचा अवधी शिल्लक
लाडकी बहीण योजनेत ई-केवायसीसाठी सर्व लाभार्थी महिलांना १८ नोव्हेंबरपर्यंत मुदत देण्यात आली आहे. राज्य सरकारनेही तातडीने ई-केवायसी पूर्ण करण्याचे आवाहन केले आहे.
ई-केवायसी न केल्यास योजनेचा लाभ मिळणार नाही, असे स्पष्ट करण्यात आले आहे.
