ठाणे : सोशल मीडियावर हिरोसारखा लूक, इन्स्टाग्रामवर तब्बल दहा लाख फॉलोअर्स… अशा ग्लॅमर जगतात वावरणाऱ्या एका रीलस्टारने डोंबिवलीतील हायप्रोफाईल तरुणीशी मैत्री करून तिला प्रेम व लग्नाचे आमिष दाखवले. नंतर घरावर ईडीची धाड पडल्याचे नाटक रचत तब्बल ₹92 लाख 75 हजारांची फसवणूक केल्याचा धक्कादायक प्रकार उघडकीस आला आहे.
तक्रार दाखल होताच विष्णुनगर पोलिसांनी तांत्रिक तपासाच्या आधारे रीलस्टार शैलेश प्रकाश रामगुडे (30) याला अटक केली. तपासात शैलेशने अशाच पद्धतीने 4–5 तरुणींची फसवणूक केल्याचेही समोर आले आहे. तरुणींंकडून घेतलेले सोन्याचे दागिने त्याने ठाण्यातील ज्वेलर्सकडे विकले होते, तेही पोलिसांनी जप्त केले आहेत.
प्रेमाचे आमिष आणि बनावट ईडीची धाड
डोंबिवलीतील उच्चभ्रू सोसायटीत राहणारी 30 वर्षीय पीडित तरुणी आणि रीलस्टार शैलेश यांची 2024 मध्ये इन्स्टाग्रामवर ओळख झाली. ओळख मैत्रीत, मैत्री प्रेमात बदलली. त्यानंतर शैलेशने तिच्यासोबत लग्नाचे स्वप्न रंगवायला सुरुवात केली.
सप्टेंबर 2024 मध्ये त्याने नवे नाटक रचले.
त्याने सांगितले की—
त्याच्या घरावर ईडीची धाड पडली असून 2 किलो सोने आणि 1 कोटी रुपये जप्त झाले आहेत. ते सोडवण्यासाठी तातडीने पैशांची गरज असल्याचे सांगून त्याने तरुणीकडून सोने आणि रोख मिळून ₹92.75 लाखांची रक्कम उकळली.
ग्लॅमरची झळाळी दाखवून फसवणूक
शैलेश तरुणींना प्रभावित करण्यासाठी—
-
बीएमडब्ल्यू कार
-
महागडे मोबाईल
-
मॉडेलिंग प्रोजेक्ट्स
-
लाइफस्टाईलचे रील्स
यांचा वापर करत असे. त्याचा फॉलोअर्सचा आकडा आणि बोलण्याची ढब पाहून अनेक तरुणी त्याच्या जाळ्यात अडकल्या.
तपासात उघड झाले की,
-
एका तरुणीकडून ₹43 लाख,
-
तर दुसरीकडून ₹29 लाख
अशा रक्कमा त्याने घेतल्या होत्या. - पोलिसांनी जप्त केलेला मुद्देमाल
-
39 तोळे सोने
-
बीएमडब्ल्यू कार
-
4 महागडे मोबाईल फोन
पोलिसांकडून पुढील तपास सुरू आहे.
