जरंडी, ता. सोयगाव – जरंडी ग्रामपंचायतीत संविधान वाचन दिन उत्साहपूर्ण वातावरणात साजरा करण्यात आला. यावेळी ग्रामपंचायत कार्यालयात आयोजित कार्यक्रमात संविधानाचे वाचन करण्यात आले. त्यानंतर सरपंच, उपसरपंच, सर्व ग्रामपंचायत सदस्य तसेच गावकऱ्यांनी राष्ट्रनिष्ठा आणि संविधानिक मूल्यांची जपणूक करण्याची शपथ घेतली.
कार्यक्रमास ग्रामपंचायतीचे कर्मचारी, स्थानिक नागरिक आणि विविध संस्था प्रतिनिधी उपस्थित होते. संविधान वाचन दिनानिमित्त गावात लोकशाही मूल्यांचे जतन करण्याचा संकल्प व्यक्त करण्यात आला.
