जलगांव – दिनांक 14 नोव्हेंबर 2025 रोजी ज़िकरा इंग्लिश मिडीयम स्कूलमध्ये ‘बाल दिवस’ मोठ्या उत्साहाने साजरा करण्यात आला. या निमित्ताने शाळेत विविध उपक्रम व स्पर्धांचे आयोजन करण्यात आले. मुलांनी सर्व कार्यक्रमांना उत्स्फूर्त प्रतिसाद देत सक्रिय सहभाग नोंदविला.
आयोजित स्पर्धांमध्ये उत्तम कामगिरी करणाऱ्या विद्यार्थ्यांना पहिले, दुसरे व तिसरे क्रमांकाचे पारितोषिक देण्यात आले. या पारितोषिकांचा समारंभ दिनांक 24 नोव्हेंबर 2025 रोजी उत्साहपूर्ण वातावरणात पार पडला. पारितोषिक वितरण संस्थेचे सचिव शेख ज़ाकिर सर व मुख्याध्यापक शेख शादाब अहमद सर यांच्या हस्ते करण्यात आले.
संपूर्ण कार्यक्रमाची तयारी व व्यवस्थापन शिरिन शेख यांनी पाहिले, तर कार्यक्रमाचे उत्कृष्ट सूत्रसंचालन नाज़िया शेख यांनी केले. बालदिनाचे औचित्य साधून विद्यार्थ्यांनी आपली कला, गुण आणि उत्साह यांचे सुंदर प्रदर्शन घडवून आणले.
