जामनेर – महाराष्ट्र राज्य परीवहन मंडळातर्फे संपूर्ण राज्यात हिंदुह्द्र्य सम्राट स्व. बाळासाहेब ठाकरे स्वच्छता अभियान राबविण्यात येत आहेत. त्या अनुषंगाने जामनेर येथील बसस्थानकात हे स्वच्छता अभियान मोठ्या उत्साहात व शिस्तबद्ध पद्धतीने राबवण्यात आले. जामनेर आगाराच्या स्वच्छता अभियानास प्रादेशिक सर्वेक्षण समितीने भेट देऊन स्वच्छता अभियानाची पाहणी केली. बसस्थानक परिसरातील वाढते प्रदूषण, कचरा व अस्वच्छतेच्या पार्श्वभूमीवर हे अभियान आयोजित करण्यात आले होते. सकाळी लवकरच सफाई कामगारांच्या वतीने आगार व्यवस्थापक दिनेश नाईक यांच्या उपस्थितीत स्वच्छता कर्मचारी, स्वयंसेवक, सामाजिक कार्यकर्ते वाहतूक विभागाचे कर्मचारी, यांनी स्वच्छता अभियान संपन्न झाले त्यावेळी स्थानिक नागरिक मोठ्या संख्येने उपस्थित राहिले.
अभियानाची सुरुवात स्वच्छता शपथ घेऊन करण्यात आली. त्यानंतर परिसरातील प्लॅास्टिक कचरा, कागद, गुटखा पाकिटे, ड्रेनेजजवळील घाण, बसस्थानकातील बाकांखाली जमा झालेला धूरकचरा अशा विविध ठिकाणांची स्वच्छता करण्यात आली. बसस्थानकातील पार्किंग झोन, तिकीट खिडकी परिसर, प्रवासी प्रतीक्षा कक्ष तसेच शेड परिसरातील धूळ व कचरा पूर्णतः हटवण्यात आला. पुरुष आणि महिला स्वच्छता ग्रुह यांची सुद्धा साफसफाई करण्यात आली.
या वेळी उपस्थित प्रादेशिक व्यवस्थापक अम्रुता ताम्हणकर यांनी प्रवाशांनाही स्वच्छतेचे महत्त्व पटवून दिले. ‘स्वच्छ व सुंदर बसस्थानक – स्वच्छ शहर’ हा संदेश देत अनमोल मार्गदर्शन यावेळी त्यांनी करुन जनजागृती करण्यात आली.व प्लॅस्टिकविरहित परिसर राखण्याचे आवाहनही करण्यात आले.
स्वच्छता पूर्ण झाल्यानंतर बसस्थानक परिसरात जंतुनाशक फवारणी करण्यात आली. तसेच कचरा पुनर्वापर प्रक्रियेबाबतही स्वयंसेवकांना मार्गदर्शन देण्यात आले.
अभियानाच्या यशस्वी आयोजनाबद्दल प्रादेशिक व्यवस्थापक अम्रुता ताम्हणकर यांनी जामनेर बसस्थानकातील स्वच्छता व नीटनेटका व टापटीपपणा पाहुन जामनेर आगाराचे कौतुक करीत समाधान व्यक्त केले. पुढील दिवसांतही अशाप्रकारचे उपक्रम सातत्याने राबवून बसस्थानक परिसर कायमस्वरूपी स्वच्छ ठेवण्याचा निर्धार व्यक्त करण्यात आला.
जामनेर बसस्थानकातील हे स्वच्छता अभियान स्थानिक स्तरावर अत्यंत कौतुकास्पद ठरले असून, नागरिकांनीही अशा उपक्रमांत सातत्याने सहभाग नोंदवावा, असे आवाहन प्रमुख पाहुणे यांच्या कडून करण्यात आले. त्याप्रसंगी प्रादेशिक सांख्यिकी अधिकारी दादाराव गावडे, जळगांव विभागीय अभियंता निलेश पाटील, जामनेर आगार व्यवस्थापक दिनेश नाईक, सहायक कार्यशाळा अधिकारी गोविंद पवार, वाहतूक निरीक्षक मधुर काळे, आगार लेखाकार रुपसिंग महाजन, प्रवासी मित्र सुभाष मुणोत, पत्रकार सुनिल इंगळे, पत्रकार अनिल शिरसाठ, आदी चालक वाहक कर्मचारी मोठय़ा संख्येने उपस्थित होते.
