जामनेर – दिनांक २७ नोव्हेंबर २०२५ रोजी जामनेर येथील जीनियस इंटरनॅशनल स्कूलमध्ये आयोजित ५३ व्या तालुकास्तरीय विज्ञान प्रदर्शनाचा यशस्वी समारोप झाला. या प्रदर्शनात प्राथमिक व माध्यमिक अशा दोन्ही विभागांतून ज़िकरा इंग्लिश मिडीयम स्कूलच्या विद्यार्थ्यांनी उल्लेखनीय कामगिरी करत क्रमांक पटकावून शाळेचा मान उंचावला आहे.
विभागातील एकूण १२० मॉडेल्समधून इयत्ता आठवीतील विद्यार्थी सामी आसिफ देशमुख याने प्राथमिक विभागात तिसरा क्रमांक मिळवला, तर कैस जाकिर खान याने माध्यमिक विभागात तिसरा क्रमांक मिळवत आपली गुणवत्ता सिद्ध केली.
दोन्ही विद्यार्थ्यांची जिल्हास्तरीय विज्ञान प्रदर्शनीसाठी निवड झाल्याबद्दल शाळेचे अध्यक्ष रहिम सर, सचिव जाकिर सर, मुख्याध्यापक शेख शादाब अहमद सर, विज्ञान शिक्षक नदीम सर तसेच इतर सर्व शिक्षकवर्गाकडून मनःपूर्वक अभिनंदन करण्यात येत आहे.
या उज्ज्वल कामगिरीबद्दल शाळेला अभिमान वाटतो.
